محمود ﺇبراهيم يكتب: تحصيل حاصل
بوابة العاصمة
البث المباشر
بوابة العاصمة
بوابة العاصمة
بوابة العاصمة بوابة العاصمة
الصفحة الرئيسية

آخر الأخبار

 
   مقالات  

محمود ﺇبراهيم يكتب: تحصيل حاصل


اضيف بتاريخ : 29/12/2016 الساعة : 4:19:04

كل اللى عيشته زمان

لو كان فضل للآن

كان حالى أصبح غير

معرفش إيه ولا مين

خلانى أنسى الطين

وغوانى توهت سنين

للمشى عكس السير

لكن.. الرب فى التدببر

ليه حكمة فى التغيير

وبلانا بالتقصير

ولا عمره جاب غير خير



النص :-



أنا عيشت سنينى بفارق ناس

وبودع ناس من غير أسباب

خوفى من الجاى ومن بكرة

خلونى بشوف القرب سراب

قلبى من بعد ما شافه النور

بقى يمضى لوحده الكل غياب



هتعيش على أمل إنها هترجع

وهترجع وإنت اللى هتمشى

كلنا ماشيين فى طرق غيرنا

والوقت سلاح مابيرحمشى

كلنا أبطال نفس القصة

بنحب وخوفنا بيسبقنا

كلنا عايشين نجرح فنموت

وبننعى العمر اللى سرقنا



عشاق مخاويت وقلوب عايشة

على حس الأزمة وع الذكرى

مهاوييس بالماضى وكان يا ما كان

وتملى "هنبدأ من بكرة"

علشان كده أحلامنا بتدبل

وتموت جوانا يدوب فكرة



كلنا بنحاول نتماشى

مع حجم الدور اللى ناسبنا

لا عرفنا نسيب اللى سابونا

ولا طيف الذكرى فى ليل سابنا

لا قدرنا نكمل فى حياتنا

ووقفنا نسقف للماضي

يا رفاق الرحله الدرامية

ضيعتوا حياتكم ع الفاضى



يا موحدين بالله

يا كافرين بالحلم

يا مقدمين الدمعة

فى الحرب أو فى السلم

الحلم برىء من تفسيرنا

واليسر برىء من تعسيرنا

والذنب برىء من تقصيرنا

والدنيا هتمشى وهتسيبنا

أصلنا زوار..



يا رفاق الطاقة السلبية

ورعاة الأزمة النفسية

ودعاة الوحدة الأبدية

وضحايا الذبحة الزمنية

لساها عمار..



تبتوا فى الحلم وفى الدنيا وافرحوا فى الهم

سيبوا كل الحزن اللى بقالكم كما سيل الدم

دندنوا من غير الناى

واضحكوا من غير ﺇﺯاى

وبلاش القهوة قى عز الليل

ولا حبر الشاى اللى مخبى جواه فيروز وحليم ونجاة

بطلوا تلعنوا وهم المسافات

وتجيبوا العيب على ناس فاتوا وانتو الباقيين

فكروا فى الدين اللى عليكم لدموع الروح

والقلب اللى ما بطل ينزف من لحظة بوح

ده القلب بيسحب نبضاته من غير إنذار

فلذلك يا "رهن الذكرى"

وجب الإخطار..


شعر محمود إبراهيم تحصيل حاصل

  أهم الأخبار  

الأرصاد: طقس الغد مائل للحرارة.. والعظمى بالقاهرة 25

الصحة تخصص ٢٦ عيادة متنقلة بمختلف التخصصات

الصحة تخصص الكارت الذكي لأقباط العريش للعلاج على نفقة الدولة

بالصور.. اكتشاف جسم نفق جنوب رفح

زيادة 500% في صادرات البرتقال لكندا

وصول مبعوث الأمم المتحدة لمنطقة البحيرات العظمى للقاهرة

 عدد المشاهدات: 1341

 تعليقات الفيس بوك

 


د.محمد سليمان






   

  اجتماعيات وسياسة  

ads
ads