محمد عبد الرءوف يكتب: غنوه بصوت أنغام
بوابة العاصمة
بوابة العاصمة
بوابة العاصمة
بوابة العاصمة بوابة العاصمة
الصفحة الرئيسية

آخر الأخبار

 
     

محمد عبد الرءوف يكتب: غنوه بصوت أنغام


اضيف بتاريخ : 04/01/2017 الساعة : 2:57:47

محمد عبد الرءوف

النغم أصل الحكاية من البداية للختام

النغم مرسى الجميع في الحروب هو السلام

والسلام عليكي واجب ياللي خلصتي الكلام

النغم مستوحى منك ، السلام على أنغام

مبتعلمش ...


مبتعلمش من صغري وجايز كل يوم اغلط

ساعات بلعب وبستعبط

وعمري مادوقت طعم الحب

قالولي زمان بأن الحب وِزر وذنب

بنولى ألف سور عالقلب

عشان مبقاش من العُشاق

قالولى الحب مش جنة وكله خداع

ده حتى الضحكة معيوبة بقت تتباع

قالولي الحب كله نفاق

لكن قلبى بدقاته وتنهيدتك

كسر أسوارهم الهشّة

بقيت كـ غريق مهوش لاقى سُبُل لحياة

لقيت صوتك كما قشّة

فبتشعلق بدون أسباب

فتحتي بصوتك أوسع باب

فدخلتي فى قلبي الحب

وهما قالولى إن الحب وزر وذنب

فحبيتك ...


فحبيتك وغنيتك غنى ومواويل

عزفتك أحلى مقطوعة في وسط النيل

بنيت بغناكي مليون بيت

وبحكيكي وهاحكيكي لكل ولادي في الحواديت

كان يامكان أجمل مكان

كان البراح اللي في غناكي

صوتك بيضوي ليل حزين

صوتك بيروي العاشقين

والعشق بالحب اشتراكي

يأم تنهيدة بمغزى

يأم ضحكة فيها لذّة

ياست الحسن يا بهية

يا كمانجة في هيئة حورية

يا أغنية ..


ياغنوة جميلة معجونة بنور وسلام

يامصدر وحيي والإلهام

ياغنوة تعيشي طول مانتي بصوت أنغام


  أهم الأخبار  

اليوم.. "الجنايات" تنظر محاكمة متهمي ثأر الصف

الرئيس الأمريكي ونظيره الفرنسي يزرعان شجرة بالبيت الأبيض

"القضاء الإداري" ينظر دعوى بطلان اعتماد المخطط الجديد لبرج العرب

ارتفاع المؤشر نيكي بنسبة 0.64% في بداية التعامل بطوكيو

استقرار أسعار الفضة اليوم

تعرف على أسعار المعادن خلال تعاملات اليوم

 عدد المشاهدات: 10109

 تعليقات الفيس بوك

 






   
  فيديوهات العاصمة