ننشر قصيدة «غريب في البلد» للشاعر محمد عمر
بوابة العاصمة
بوابة العاصمة
بوابة العاصمة
بوابة العاصمة بوابة العاصمة
الصفحة الرئيسية

آخر الأخبار

 

ننشر قصيدة «غريب في البلد» للشاعر محمد عمر


اضيف بتاريخ : 06/12/2017 الساعة : 4:09:29

الشاعر محمد عمر
أحمد حماد

انا الغريب جوه البلد

انا اللي يا ريته متولد

زهقان ومش طايق حياتي

من اللي بيحصلي يوماتي

شكراً جزيلاً لمن قدر معاناتي

بموت في اليوم متين مره

وعايش بس دي عيشه مره

حاسس بغربه في البلد

من يوم ما علي كتفي اتولد

دبورة الباهويه

قالوا عليا ابو خمسين

في الميه

مش ناسي فرحة ابويا بالثانويه

مجموعي قرب من المئه

ما كانش خمسين في الميه

وقف ابويا من فرحته بيا

قالي هي البهويه

لايقه عليك مليون في الميه

قلت له يا ابا

هو علشان ابقي بيه

لازم بدله وكارنيه

من صغري رسّام فنان

وشايفني طالب فنون

حتي لو قالوا ده مجنون

زعق ابويا وقال مش كل

ضابط عاوز يبقي بيه

الحكايه اكبر بكتير

الحكايه رساله فيها فن

وفيها تفكير وفيها

ناس رافضه التغير

وكان علي ايدك وحكيتلك

كتير

عن ضباط دفعتي باعوا القضيه

وخاف وبعد منهم كتير

بس انا وغيري كتير

حلفنا نحميها وعلي جثثنا

نبنيها  قولناها دي حالة حرب

لما زاد الضرب وكان في التسعينات

مدبحه في الدير البحري

سته برشاشات وسكاكين

علي أيدهم مات فوق الستين

سويسري وفرنسي وانجليزي

وياباني وطفله خمس سنين

معقوله دول بني أدمين والله

لا ليهم مله ولا ليهم دين

واحنا رفضنا نسلم وقضينا

ع الاٍرهاب وساد تاني السلام

عاوز اقولك ياابني لو انا خفت

عليك وداريتك اضمن منين ان

غيري ما خافش ما هو لو خاف

زي خوفي مش هتلاقي دوا لجروحي

ولجروحه جروح امه في رباط

بولادها تنول المراد

فاكر يا ابويا اول نجمه علي كتفي

علقتها بايديك وبوستها وانا بوست ايدك

وقتها قلت لي بأتمنى يا أبني لو اتكتب

عليك الموت في المعركه

الطلقه في الصدر وسام

لو في الضهر ده مش طبع الرجال

ما لحقتش اعيش كم شهر وعلي كتفي الدبوره

قامت ثوره في الأصل علي اكبر دبوره

الدنيا ظاطت وقلبت وهاجت

وسقط نظام ...

وكانت ثوره مجيده

بس بعيد عن الشباب والثوره

انا يا ابا شوفت الويل شوفت

ناس بتضربنا وناس بتدعي علينا

وكأننا مجرمين منبوذين بين الناس

حسيت بغربه اتمنيت اكون في طوربه

وما اشوفش مجرمين وسط ناس مسيطرين

ايوه كان فينا عيوب بس احنا بني أدمين

فينا صالح وفينا طالح

مش كلنا حاتم وقليل فينا زناتي

أغلبنا والله الضابط سليم

عاوز تشوفني ايه وانا بشقي صبح وليل

ومش زعلان لو انت نايم في بيت

او يتعبد ربك في جامع او جوه دير

او سارح بعربيتك مابين صاحب ولا صاحبه

وحياتك مقضيها مش هقولك سهران بحميك

وبأمنك ده يمين حلفته مقدرش اهملك

انا برجع شايل زميلي شهيد في مأموريه

وغيره شهيد متفجر في عربيه

وممكن تسمع خبر في تليفزيون

استشهاد ضابط إنسان

كان حلم حياته يكون فنان

مات وف جيبه وصية والده

الطلقه في الصدر وسام

مات الفنان

الشاعر محمد عمر غريب في البلد قصيدة

  أهم الأخبار  

غدًا.. وزير الخارجية يتوجه إلى إسطنبول

الرئيس الروسي: أطلعت السيسي على الجهود الروسية لإعادة الأمور لطبيعتها في سوريا

وكالة الأنباء الروسية: بوتين أطلع السيسي على تفاصيل لقائه مع الرئيس السوري

بالفيديو.. لحظة استقبال السيسي نظيره الروسي بمطار القاهرة

بث مباشر.. السيسي يستقبل الرئيس الروسي بالاتحادية

الأهلي يوافق على إقامة مباراة السوبر في موعدها لهذا السبب

 عدد المشاهدات: 348

 تعليقات الفيس بوك

 

  • اقــــرأ أيــــضا
  • الأكثر قراءة

فيديوهات العاصمة






   

  فيديوهات العاصمة  

ads