السيسي: «هناك خطة اتعملت منذ 4 سنوات في القطاعات كلها ولازم تستحملوا»
بوابة العاصمة
بوابة العاصمة
بوابة العاصمة
بوابة العاصمة بوابة العاصمة
الصفحة الرئيسية

آخر الأخبار

 

السيسي: «هناك خطة اتعملت منذ 4 سنوات في القطاعات كلها ولازم تستحملوا»


اضيف بتاريخ : 16/05/2018 الساعة : 4:39:05

الرئيس عبد الفتاح السيسي
أ.ش.أ

تابع الرئيس عبدالفتاح السيسي، " يا البلد تبقى بلد ونقف على رجلينا وده أمر مش بسيط وده أمر محتاج كلنا نبقى فاهمين إحنا مين وظروفنا إيه ونستحمل اللي هنعمله، ودي خطة اتعملت منذ 4 سنوات في القطاعات كلها الكهرباء والمياه والصرف الصحي ومفيش خيارات ثانية، أنا بعرض ليه عليكم كل هذه الأمور عشان محدش يقول ماليش دعوة دي بتاعتنا كلنا ودي بلدنا اللى هنتشرف بيها كلنا، عشان نقدر النهارده حجم الانتاج اللى طلع يستفيد بيه كل الناس في مصر بشكل عادل، في منتج موجود، أه لكن مش بيستفيد بيه الجميع بشكل عادل حتى الانتهاء من كافة محطات التحكم في أخر 2018 " .


وقال الرئيس " محطات التحكم والمحولات عشان المواطن اللى بتجيله الكهرباء دون المستوى مش هتتصلح بالانتاج هتتصلح باللى بنتكلم فيه ده، طيب ده محتاج 40 أو 50 مليار جنيه طب ازاي" .


وأضاف الرئيس السيسي " كل ما تتقدم الدول كل ما تكلفة التقدم بتزيد عليها " ،وضرب مثالا :" إن مستلزمات المستشفيات منذ 50 عاما كان لها قيمة، والآن بعد 50 عاما لها قيمة ثانية".


وتابع "أنه لا يعقل أن نتوجه للتصدير قبل تحقيق الاكتفاء الذاتي من الطلب المحلي، وأنا في تقديري وطموحي أن أكفى السوق المحلي ما أمكن وهذا تحد كبير، حيث وفرنا أراضي للمستثمرين في المناطق الصناعية تفوق ما تم تحقيقه في 10 سنوات ، وهذا ليس قدحا فيمن هو قبلنا، وأن ما قمنا بعمله تشجيعا للاستثمار، ونحن نعمل الآن في برنامج مثلما قمنا بعمله في مدينة الأساس ومدينة الجلود بالروبيكي".


وأشار الرئيس السيسي إلى أن شركة صينية ستقوم بعمل 560 مصنعا في 7 سنوات، ولكنني طلبت منهم الانتهاء منها في 3 سنوات للمواطن الذى بدون عمل، لافتا إلى أن معدل البطالة الآن 10.6% بدل من 13.6%، مضيفا أننا قمنا بمساعدة الشركة الصينية والانتهاء من كافة اجراءاتهم للانتهاء من هذه المصانع التي ستوفر العمل لـ65 ألف شخص، كما أن حرصي على إنجاز المشروعات في وقت صغير يهدف إلى توفير فرص عمل للعاطلين" .


وقال الرئيس السيسي: " إننا نريد أن نتعلم كيفية زيادة معدل الاستثمار كإجراء عملي ينطبق أو يتواءم أو يتناغم مع ظروف مصرلكي ننجح".

ووجه الرئيس السيسي حديثه للشعب قائلا " يا مصريين عايزين تعليم جيد ولا ايه.. أيوة عايزين تعليم جيد، هما كانوا عايزين يفتحوا موضوع التعليم النهاردة فقلت لهم ما تفتحوش الموضوع ده دلوقتي خلوه بقي دا عايز 3 أيام لوحده نتكلم فيه".


وقال " الدكتور طارق شوقي قبل ما يكون وزير تربية وتعليم كان في المجلس الاقتصادي والأمين العام وكان مغلبني في الاصلاح.. عرضت عليهم الموضوع مرتين يمسك وزير التربية والتعليم وكان يرفض..واحرجته مره قدامكم في مؤتمر الشباب من سنتين، وقلت حتي الناس اللي موجودين معايا مش عايزين يمسكوا القطاع".


وتابع: هناك تحد كبير ففي ناس بتتصدى لموضوع تطوير التعليم دون أن تعلم عنه شئ، وأجد أحبابنا في الإعلام جايبين اهالي طلبة يتكلموا عن الموضوع... تطوير التعليم كبير جدا.


وأضاف : "بالمناسبة مفيش إجراء احنا بنتكلم فيه الا لما يتم مناقشته في مجلس الوزراء، وتم إقراره بعد مناقشته مرتين وثلاثة".


وقال :" أنا تحدثت عن التعليم بالرغم أنه مش يومه النهاردة، لكن ده عشان حضراتكم بتتكلموا عن سوق تأهيل العمل، طيب هو انا ارضي اطلع 100 الف خريج تجارة و100 الف خريج حقوق.. متسائلا هل سوق العمل يحتاج إلى كل هذه الأعداد..أحنا مش هنحل المسألة كده".


الرئيس عبد الفتاح السيسي

  أهم الأخبار  

"الأرصاد": طقس اليوم شديد الحرارة على معظم الأنحاء

عبور 154 سفينة للمجرى الملاحي بقناة السويس خلال 3 أيام

نظر محاكمة 304 متهمًا بمحاولة اغتيال النائب العام المساعد

اليوم.. نظر محاكمة متهم في حيازة مفرقعات بمنشأة القناطر

اليوم.. "الفراعنة" يخوض تدريباته استعدادًا للمشاركة في المونديال

اليوم.. "دياز" في القاهرة لإنهاء إجراءات التوقيع للأهلي

 عدد المشاهدات: 97

 تعليقات الفيس بوك

 






   
  فيديوهات العاصمة